"20 yanvar şagirdlərin gözü ilə" adlı rəsm sərgisi
19 yanvar 2023-cü il tarixində məktəbin foyesində 20 Yanvar faciəsinin 33-cü ildönümünə həsr olunmuş "20 Yanvar şagirdlərin gözü ilə" adlı rəsm sərgisi keçirildi. Məktəbin Təşkilatçı müavini Nəzrin Vəkilova və təsviri incəsənət müəllimi Bayramova Arzunun təşkilatçılığı ilə baş tutan sərgidə bütün siniflər üzrə çəkilmiş rəsmlər öz yerini alıb. Həmçinin 20 Yanvara aid 6 C sinif şagirdi Əsgərov Həsənin hazırladığı divar qəzeti də nümayiş olundu. Bundan başqa şagirdlər məktəbin girişində qərənfillərdən ibarət kompozisiya hazırladılar.
