Tarixin daş yaddaşı
Məktəbin 8 D sinfində müəllim Sona Vəliyevanın rəhbərliyi ilə tarixi abidələr haqqında nümunəvi dərs keçirildi. İllərin sınağından keçərək bu günümüzə qədər öz tarixiliyini və qədimliyini qoruyaraq yüzlərlə abidələrimiz gəlib çıxmışdır. Sona müəllimə dərs prosesi zamanı abidələr və tarixi yerlərin öz görkəmləri ilə xalqalara hər an kimliyini, nəyə qadir olduğunu xatırlatdığını, vətən sevgisi və ona sadiqlik kimi ülvi hissləri aşıladığını qeyd etdi. Həmçinin xalqın mənəvi xəzinəsinin, “mən”inin cəmləşdiyi bu abidələrin insanlara ulu əcdadlarından danışır, milli özünüdərkin formalaşmasında mühüm rol oynadığını şagirdlərin nəzərinə çatdırdı. Şagirdlər də, öz növbəsində onlara daha maraqlı və diqqətlərin cəlb edən tarixi abidələr haqqında geniş məlumat topladılar, həm də şəkil formasında təqdim etdilər. Bütün şagirdlər dərs prosesində fəal iştirak etdilər.
