"Müstəqillik ildönümü"
18 Oktyabr Azərbaycanın Dövlət Müstəqilliyi Günüdür.1991-ci ilin 18 oktyabrında Azərbaycan Ali Sovetinin keçirdiyi iclasda Azərbaycan Respublikası Dövlət Müstəqilliyi haqqında konstitusiya aktı yekdilliklə qəbul olundu.Həmin ilin 29 dekabrında respublikada keçirilən ümumxalq səsverməsində Azərbaycan xalqı birmənalı şəkildə ölkəmizin dövlət müstəqilliyinə səs verdi.Azərbaycan tarixində bir daha müstəqilliyini bəyan edərək,"Mən varam!" nidasını dünyaya hayqırdı.Ümummilli liderimiz H.Əliyevin müdrik siyasəti nəticəsində diplomatik,iqtisadi,sosial sahədə baş verən inkişaf müstəqilliyimizi daha da möhkəmləndirdi.Zaman-zaman müstəqilliyimizə kölgə salmağa çalışanlar isə rəhbər-xalq birliyinin gücü və qüdrəti qarşısında aciz qaldılar.Bu gün də H.Əliyev məktəbinin davamçısı prezidentimiz İ.Əliyevin məqsədyönlü siyasəti böyük əmanətə layiqli varislik nümunəsi göstərir.
