Məktəbimizdə Anım Gününə həsr olunmuş tədbir keçirildi
27 Sentyabr – Anım Günüdür!
Bu gün Azərbaycanda Anım Günüdür. Xalqımız II Qarabağ müharibəsində qəhrəmanlıqla döyüşən, ölkəmizin ərazi bütövlüyü yolunda canlarından keçən əsgər və zabitlərini, bütün şəhidlərini dərin ehtiramla anır!Bu gün məktəbimizdə Anım Gününə həsr olunmuş tədbir keçirildi.Tədbirin keçirilməsində məqsəd Vətən müharibəsi şəhidlərinin xatirəsini ehtiramla yad etmək, böyüməkdə olan gənc nəsildə vətənə, torpağa məhəbbət hissini artırmaq, hərbi-vətənpərvərlik ruhunu təbliğ etmək, milli-mənəvi dəyərlərimizi qorumaq, uşaqların yaradıcılıq qabiliyyətlərini inkişaf etdirmək və istedadlarını üzə çıxarmaqdan ibarət olub.Tədbir Dövlət himninin səsləndirilməsi ilə başlayıb, şəhidlərimizin xatirəsi 1 dəqiqəlik sükutla yad edilib. Şagirdlər vətənə, şəhidlərə həsr olunmuş şeirlər, mahnılar səsləndirdilər.
