Poçt göyərçini
Oktyabrın 9-da "Poçt günü" münasibətilə 1”B”sinfində sinif rəhbəri Təranə Muxtarova şagirdlərə poçt tariximiz haqqında bir çox maraqlı məlumatlar verdi. Oktyabrın 9-u dünyada poçt sahəsi işçilərinin peşə bayramı - Ümumdünya Poçt Günü kimi qeyd olunur. Poçt ittifaqı İsveçrənin paytaxtı Berndə yaradılıb. Azərbaycanın 1993-cü ilin aprel ayında bu quruma üzv qəbul olunması respublikanın poçt sahəsi üzrə fəaliyyətinin genişlənməsinə əlavə imkanlar yaradıb. Azərbaycanın ilk poçt markaları 1919-cu il oktyabrın 20-dən başlayaraq dövriyyəyə buraxılıb. İlk poçt markası Azərbaycan əsgərinə həsr olunub.Dərsin sonunda 1”B”sinif şagirdləri poçtolyon rolunu oynayan göyərçin quşu haqqında bilgi alaraq rəsmlər çəkib, göyərçin haqqında mahnı oxudular.
