25 nömrəli tam orta məktəbdə 2019-2020-ci tədris ili üçün Pedaqoji Şuranın ilk iclası keçirilib
28 avqust 2019-cu il tarixində 25 nömrəli tam orta məktəbdə Pedaqoji Şuranın iclası keçirildi. İclası məktəbin direktoru Fəridə Şərifova açıq elan etdi. F.Şərifova məktəbdə görülən işlərdən və qarşıda duran vəzifələrdən danışdı. Məktəbin illik fəaliyyət planı müzakirə və təsdiq edildi.
Daha sonra təlim-tərbiyyə işləri üzrə direktor müavinləri Rəhilə Novruzova və Tatyana Quliyeva çıxış etdilər. R.Novruzova dərsə davamiyyət, nizam-intizam qaydaları və müəllim-şagird münasibətlərindən danışdı. T.Quliyeva isə 2018-2019-cu tədris ilinin nəticələri barəsində məlumat verdi.
Sonda cari il üçün qarşıda duran məsələlər haqqında kollektivə tapşırıqlar verildi və müəllimləri maraqlandıran suallar cavablandırıldı.
