Yeni il və Həmrəylik günü qeyd olundu
28 dekabr 2017-ci il tarixində məktəbimizdə Yeni il və Həmrəylik günü qeyd olundu. Bu münasibətlə məktəbimizin 5A sinif şagirdləri “Qış nağılı” adlı səhnəcik nümayiş etdirdilər. Sinif rəhbəri Şəlalə Əliyevanın rəhbərliyi ilə təşkil olunan səhnəcikdə şagirdlər bir-birindən maraqlı obrazlar canlandırdılar. Şagirdlərin rəngarəng çıxışları, rəqsləri müəllimlər və valideynlər tərəfindən maraqla izlənildi. Tədbirin sonunda məktəbin direktoru Nəbi Ağayev şagirdlərə gözəl çıxışlarına görə təşəkkürünü bildirdi, tədbir iştirakçılarını qarşıdan gələn bayram münasibətilə təbrik etdi.
