Bayrağımız qürur mənbəyimizdir
Ötən gün məktəbimizdə Azərbaycan Respublikası Nazirlər Kabineti yanında Dənizkarı Bulvar İdarəsinin Dövlət Bayrağı Muzeyi tərəfindən "Dövlətçilik tarixi və dövlət rəmzləri" haqqında mühazirə təşkil olundu. Mühazirədə bayrağımızın yaranma tarixi, rənglərin mənası, ağ ayparanın və səkkiz guşənin nə olduğu, hansı ideyalardan qaynaqlandığı haqqında geniş məlumat verildi. Şagirdlərə tarixən mövcud olmuş Azərbaycan xanlıqlarının bayraqlarından ibarət slayd təqdimat nümayiş olundu, onları maraqlandıran suallar cavablandırıldı.
