“Vətən bağı al-əlvandır, Ətrin gəlir, Xarıbülbül.”
Bu gün məktəbimizin ibtidai sinif müəllimi Elvira Quliyevanın rəhbərliyi ilə xarıbülbül ətirli “Zəfər günü” adlı tədbir keçirildi. Tədbir Azərbaycanın Dövlət Himninin səslənməsi və Vətən uğrunda canından keçən şəhidlərimizin ruhunun bir dəqiqəlik sükutla yad edilməsi ilə başladı, 3 b sinif şagirdlərinin “Zəfər” gününə həsr olunmuş şeirləri, mahnıları və zəfər rəqsləri ilə davam etdi. Tədbirin sonunda məktəbin direktoru Fəridə xanım Şərifova çıxış edərək şagirdlərə bu tarixi zəfərin önəmindən bəhs etdi və onları Zəfər günü münasibəti ilə təbrik etdi. Şagirdlər diplomlarla mükafatlandırıldılar. Bu tədbirlə sinif rəhbəri qazanılmış zəfərin önəmini, şagirdləri vətənpərvər ruhda yetişdirməyin vacibliyini bir daha əks etdirdi.
