"Mənə bir az özümüzdən danış" adlı təqdimat
12.03.2018-ci il tarixdə "Fizika aylığı" çərçivəsində məktəbin fizika müəllimi Gülbəniz Qədirovanın rəhbərliyi ilə 8a,8b və 8c sinif şagirdləri "Mənə bir az özümüzdən danış" adlı təqdimat keçirildi. Məqsəd şagirdləri Azərbaycan alimləri ilə yaxından tanış etmək idi.
Bu dərsdə şagirdlər Azərbaycan fiziklərinin həyat və fəaliyyətləri haqda geniş məlumat verdilər.
8a sinif şagirdi Babanlı Jalə Lütfi Zadə haqqında geniş və ətraflı məlumat verərək sinif yoldaşı Baxşəliyev Vüqarın hazırladığı vieoçarxı göstərdi. Sonra 8b sinif şagirdi Babayeva Ülkər Lev Landau haqda təqdimatı ilə çıxış etdi. Daha sonra 8b sinif şagirdi Qayıbova Ofelya Maqsud Əliyev haqda, Kərimli Küşvər isə Abdullah Mehrabov haqda geniş məlumat verərək suallara dolğun cavablar verdilər. 8a sinif şagirdi Məmmədli Cavidin Tofiq İsmayılov haqda təqdimatı da dinləyicilərdə dərin təəssürat yaratdı. 8a sinif şagirdi Məmmədli Vüsalə və Baxşəliyev Vüqarın kosmik fəza haqda təqdimat də slaydları, 8c sinif şagirdləri Aslanlı Samirənin Mirzəli Murquzov, Əhmədova Xumarın Abbas Çayxorski, Novruzlu Gülzamanın Kərim Kərimov haqda təqdimatlar da böyük maraqla dinlənildi. Ən sonda 8c sinif şagirdlərinin hazırladığı "Azərbaycan elminin dünəni, bu günü, sabahı" mövzusunda videoçarx göstərildi. Tədbirin sonunda məktəbin direktoru Xəyyam Fərəcov, direktor müavinləri Balıyeva Şəfəq və Quliyev Saleh və müəllimlər şagirdlərə öz fikir və rəylərini bildirərək şagirdlərə uğurlar arzuladılar.
