248 №-li tam orta məktəb

248 nömrəli tam orta məktəb 1969-cu ildən istifadəyə verilib. Məktəb Nizami Nərimanovun adını daşıyır. Fəaliyyət göstərdiyi müddət ərzində məktəbimiz gənc nəslin gələcəyə uğurlu addımlar atmasında böyük rol oynamışdır. Məktəbdə 46 sinif otağı, biologiya, fizika, kimya, hərbi və 4 informatika kabineti fəaliyyət göstərir. Məktəb 1050 yerlikdir. Məktəbdə 1 akt zalı, 1 idman zalı,1 bufet,1 kitabxana,1 tibb otağı şagirdlərə xidmət göstərir. Məktəb Azərbaycan Respublikası Prezidentinin sərəncamına əsasən 2013-ci ildə əsaslı təmir edilmişdir və cənab Prezidentimiz İlham Əliyev məktəbin açılışında iştirak etmişdir. Hal-hazırda məktəbdə 1763 nəfər (Azərbaycan bölməsi üzrə -999 nəfər, rus bölməsi üzrə - 764 nəfər) şagird təhsil alır. Cari tədris ilindən Azərbaycan bölməsi üzrə 48, rus bölməsi üzrə isə 30 nəfər şagird məktəbəhazırlıq səviyyəsi üzrə tədrisə başlamışdır. Şagirdlərin təlim-tərbiyəsi ilə 95 nəfər müəllim məşğul olur. Müəllimlərdən 85 nəfər  ali təhsilli,10 nəfər isə orta ixtisas təhsillidir. Tədris iki dildə- Azərbaycan və rus dillərində aparılır.