Şəhid məzunumuz Həmidli Mikayılın adına sinif və guşə açılışı tədbiri
24.05.2024- cü il tarixdə Bakı şəhər Binəqədi rayon N.Nərimanov adına 248 nömrəli tam orta məktəbin 5Ç və 6Ç siniflərinin dərs otağının şəhid məzunumuz Həmidli Mikayıl Vüqar oğlunun adını alması və sinif guşəsinin açılışı ilə əlaqədar tədbir təşkil olunmuşdur.Tədbir Azərbaycan Respublikasının Dövlət Himninin səslənməsi ilə başlandı, şəhidlərimizin xatirəsi 1 dəqiqəlik sükutla anıldı. Açılışda məktəb rəhbərliyi, müəllimlər və Həmidli Mikayılın valideyni ilə bərabər antiterror əməliyyatı zamanı şəhid olmuş 7 nəfər igidimizin də valideynləri iştirak etdilər.
Bəli, Vətəni ucaltmaq üçün, Vətəni yaşatmaq üçün minlərlə şəhid verdik.
Biz bu şəhidlərin qisasını necə alacağıq?
Mümkün olan nədir? Mümkün olan torpaqlarımızın işğaldan azad olunmasıdır. Qəhrəman Vətən oğullarının həlak olduğu yerdə onların qürurunu, əzmini, hərbi qüdrətə doğru gedəcək yolunu göstərəcək heykəlləri qoyulmalıdır. Vətənin azadlığı Mikayıl kimi oğulların əvəzidir.
Onlar bu gün də bizim yanımızdadır.
Onlar azadlıq mələyi kimi hər zaman başımızın üstündə dayanıblar.
Yaşasın Azərbaycan!
Yaşasın Müzəffər Azərbaycan Ordusu!
Yaşasın Müzəffər Ali Baş Komandan!
