"İmza saatı" layihəsi
Binəqədi Gənclər Evinin və Binəqədi Rayon Gənclər və İdman İdarəsinin təşkilatçılığı ilə keçirilən “İmza saatı” layihəsinin 15 fevral tarixində qonağı Azərbaycanın ilk beynəlxalq qrossmeysteri, Aynur Sofiyeva olub. “Heydər Əliyev ili”nə həsr olunan görüşdə moderator Fərəh Quliyeva görüşün mahiyyətini haqqında məlumat verərək, iştirak edən qonaqları təqdim edib. Daha sonra Aynurə xanım təqdim olunan sualları cavablandıraraq, şahmata başlama tarixindən danışıb. O qeyd edib ki, Ulu Öndər Heydər Əliyevin gənclərə və idmana göstərdiyi diqqət onun şahmat sahəsində qazandığı nailiyyətlərdə böyük rolu olub. O, çıxışı zamanı Ümummilli Lider Heydər Əliyevin gənclərin inkişafına necə önəm verdiyindən, onlar üçün yaratdığı şəraitdən danışıb. Ulu öndər Heydər Əliyev hakimiyyətə gəldiyi vaxtdan gənclər üçün idman qurğuları, şahmat məktəbləri açıb. Aynur xanım həmçinin Ailə, Qadın və Uşaqlar Problemləri üzrə Dövlət Komitəsinin fəaliyyətini də qeyd edib. O, qadınların və uşaqların maarifləndirilməsindən, onların hüquqlarının qorunması istiqamətində görülən işlərdən danışıb. Gənclər tərəfindən verilən suallara ətraflı şəkildə cavablandıran Aynur xanım, sonda onlara tövsiyyəsini verib. Görüşdə 248 nömrəli tam orta məktəbin 10b sinif şagirdi Süleymanzadə Abuzər Samir oğlu da iştirak etmişdir.
Xatırladaq ki, Azərbaycan Respublikasının Prezidenti cənab İlham Əliyev 29 sentyabr 2022-ci il tarixdə 2023-cü ilin ölkəmizdə “Heydər Əliyev İli” elan edilməsi haqqında sərəncam imzalayıb.
