Ulu Öndər Heydər Əliyevin anım günü
12.12.2019-cu il tarixində Bakı şəhəri Binəqədi rayonu 248 nömrəli tam orta məktəbin 3c sinfində Azərbaycanın və Azərbaycan xalqının tarixində silinməz iz qoymuş dahi şəxsiyyət Heydər Əliyevin anım gününə həsr olunmuş tədbirdə şagirdlər və sinif rəhbəri Dostu müəllimə Ulu Öndər Heydər Əliyevin əziz xatirəsini böyük ehtiramla yad etdilər. Sinif rəhbəri Dostu müəllimə Heydər Əliyevin Azərbaycan xalqının yaddaşında qurucu və xilaskar dövlət xadimi, milli lider və xalq məhəbbətini qazanan öndər kimi qaldığını bildirdi. Xalqımızın tarixi taleyində, mənəvi, siyasi və ictimai həyatında, dövlət quruculuğunda onun qədər misilsiz xidmətlər göstərən ikinci dövlət adamı tapmaq mümkün olmadığını vurğuladı. Tədbir şagirdlərin Ulu Öndərin aforizmləri və Heydər Əliyevə həsr olunmuş şeir parçaları ilə davam etdi.
