Şagirdlər "Bilim Bakı Mərkəzi"ndə keçirilən təlimlərdə iştirak etdilər
Fevralın 13-də məktəbimizin bir qrup şagirdləri UBTR Könül Muradova və sinif rəhbərlərinin təşkilatçılığı ilə "Bilim Bakı Mərkəzi"ndə keçirilən təlimlərdə iştirak etdilər. Mərkəzdə təlimlər 6 fərqli laboratoriyada(Sahibkarlıq, Astronomiya, Kosmos və Aviasiya, Riyaziyyat, Dizayn, Təbiət Elmləri və Texnologiya) keçirildi. Təlimlərin hər biri uşaqların yaş qruplarına, dünya görüşünə və məktəb dərslərinə uyğun olaraq formalaşdırılmışdır. Şagirdlər yaş qrupları üzrə qruplaşdırılaraq tam fərqli və maraqlı təlim üsulları ilə tanış oldular.
Təlimlərin məqsədi şagirdlərin elmə, innovasiyaya olan marağının formalaşdırılması, həmçinin onların kiçik yaşlarından maraq dairələrinə uyğun sahələrin inkişaf etdirilməsinə dəstək göstərməkdir.
