26 fevral ilk dərslər Xocalı soyqırımına həsr olunub
Təhsil Nazirliyinin əmri ilə təsdiqlənmiş “Xocalı soyqırımının iyirmi altıncı ildönümünün keçirilməsi barədə Tədbirlər Planı”na və Bakı Şəhəri üzrə Təhsil İdarəsinin müvafiq əmrinə əsasən tədris olunan dərslər ölkəmizin müstəqilliyi uğrunda mübarizədə canlarını qurban vermiş Vətən övladlarının xatirəsini yad etmək, böyüməkdə olan nəslə XX əsrin ən dəhşətli faciəvi hadisələrindən olan Xocalı soyqırımı haqqında ətraflı məlumat vermək məqsədlərinə xidmət edir.Bu məqsədlə 26 fevral 2018-ci il tarixdə ilk dərslər Xocalı soyqırımına həsr olundu. Müəllimlər Xocalı faciəsi zamanı insanlara verilən əzablar, faciə zamanı həlak olanların sayı barədə məlumat verdilər. Sonra şagirdlərin mövzu ətrafında bildikləri dinlənildi, onları maraqlandıran suallar cavablandırıldı.
