"Məktəbyaşlı uşaqlar arasında sağlamlıq vərdişləri" adlı sorğu keçirildi
03.11.2017-ci il tarixdə Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən UNİCEF-in dəstəyi ilə Ümumdünya Səhiyyə Təşkilatının təsdiq etdiyi metodologiya əsasında "Məktəbyaşlı uşaqlar arasında sağlamlıq vərdişləri" adlı sorğu keçirildi. UNİCEF-in WASH metodologiyası əsasında keçirilən sorğunun əsas məqsədi ölkə məktəblərində su, sanitariya və gigiyena ilə bağlı vəziyyətin, şagirdlərin bu sahədə bilik və bacarıqlarının ilkin qiymətləndirilməsidir. Sorğuda məktəbin V-IX sinif şagirdləri iştirak etdilər. Sonda Azərbaycan Respublikası Səhiyyə Nazirliyinin əməkdaşları şagirdlərə bukletlər payladılar.