"Təhsilə dəstək" layihəsi çərçivəsində təhsil işçilərinin peşəkar inkişafı üçün Beynəlxalq Konfransın 1-ci modulu keçirildi
"Təhsilə dəstək" layihəsi çərçivəsində təhsil işçilərinin peşəkar inkişafı üçün fevral ayının 18 və 19 tarixlərində Beynəlxalq Konfransın 1-ci Modulu keçirildi. Beynəlxalq Konfransın əsas məqsədi Azərbaycan Respublikası Prezidentinin "Azərbaycan Respublikasında təhsilin inkişafı üzrə Dövlət Strategiyası "(2015-2020)-na uyğun olaraq təhsilin bütün pillələri üzrə təhsil işçiləri və gələcək nəslin vətənə və dövlətə layiqli şəxsiyyət kimi formalaşmasını təmin etməkdir.Təhsil mühitində uşaq və yeniyetmələrin rast gəldikləri çətinliklər və problemlərin həllinə kömək etmək üçün nəticəyə yönəlmiş metodikalar mövzusunda keçirilən seminarda məktəbimizin tərbiyə işləri üzrə direktor müavini Qurbanova Tükəzban və tarix müəllimi Cahangirova Arzu iştirak etdilər.Beynəlxalq Konfransın 1-ci modulunu "Kids Skills -Təhsil mühitində uşaq və yeniyetmələrin rast gəldikləri poblem və çətinliklərin həlli üçün nəticəyə yönəlmiş metodikalar" uğurlu bitirdiyinə görə sertifikatla təltif edildilər. 
