9-cu sinif valideynlərinin iştirakı ilə iclas keçirilib
Məktəbin illik fəaliyyət planına uyğun olaraq məktəb rəhbərliyi və sinif rəhbərləri tərəfindən 9-cu sinif valideynlərinin iştirakı ilə iclas keçirilib.
İclasın keçirilməsində məqsəd şagird nailiyyəti və məktəbin nəticələri barədə obyektiv hesabat əsasında valideynlərin məlumatlandırılması, məktəb-valideyn əməkdaşlığının gücləndirilməsidir.
İclasda məktəbin direktoru Elnur Bayramov tədris ilinin I yarımil yekunları və tədris müddətində qarşıya çıxan problemləri valideynlərin diqqətinə çatdırdı. Şagirdlərin dərsə davamiyyəti və məktəbdə keçirilən monitorinqlərin nəticələri haqqında valideynlər məlumatlandırıldı.
Şagirdin təhsildə uğurlu nəticə qazanması üçün məktəb-valideyn əlaqələrinin nə qədər böyük əhəmiyyətə malik olduğunu məktəbin təlim –tərbiyə işləri üzrə direktor müavini İlhamə Alməmmədova iclas iştirakçılarının nəzərinə çatdırdı.
Valideynlərlə görüşdə 2021/2022-ci tədris ilinin I yarımilinin nəticələri, şagirdlərin təlim göstəriciləri, zəif qiymətlərlə oxuyan şagirdlərlə işin təşkili, dərslərin tədrisi vəziyyəti müzakirə edilmişdir.