Böyük Summativ Qiymətləndirmələrin keçirilməsinə start verildi
24.01.2022-ci il tarixdə birinci yarımil üzrə məktəbin fəaliyyət planının 1.1.1.4-cü bəndinə müvafiq olaraq əldə edilmiş şagird nailiyyətlərinin qiymətləndirilməsi məqsədilə IV-XI siniflərdə məktəbdaxili qiymətləndirmənin yekun növü olan Böyük Summativ Qiymətləndirmələrin keçirilməsinə start verildi . Məktəb direktoru Elnur Bayramovun müvafiq əmrinə əsasən hazırlanmış qrafik üzrə keçirilən imtahanda bu gün 8, 9, 11-ci siniflər iştirak etdilər.
BSQ–lərinin keçirilməsində əsas məqsəd müvafiq məzmun və dəyərləndirmə standartları əsasında hazırlanmış vasitələrlə şagirdlərin nailiyyətlərini üzə çıxarmaq, bilik və bacarıqlarını yoxlamaqdan ibarətdir. BSQ–lərin suallar bankı məktəb direktorunun təşkil etdiyi komissiya tərəfindən hazırlanmışdır. Obyektivliyin qorunması məqsədilə qeyri fənn müəllimlərindən ibarət komissiya üzvləri imtahanın gedişatına nəzarət etdilər.
Bütün şagirdlərimizə uğurlar arzu edirik.
