“Nizami dünyası” adlı intellektual bilik yarışı keçirildi
2021-ci ildə dahi Azərbaycan şairi və mütəfəkkiri Nizami Gəncəvinin anadan olmasının 880 illiyi tamam olur. Prezident Ilham Əliyevin 2021-ci ili "Nizami Gəncəvi ili" elan edilməsi barəsində imzaladigi sərəncama əsasən, Bakı şəhəri üzrə Təhsil İdarəsinin 12 mart 2021-ci il tarixli F-56 nömrəli əmrinin icrası məqsədi ilə, 1dekabr 2021-ci il tarixində məktəbin fəaliyyət planına uyğun olaraq, Azərbaycan dili və ədəbiyyat müəllimi Şəlalə Şabanovanın təşkil etdiyi “Nizami dünyası” adlı intellektual bilik yarışı keçirildi. Şagirdlər Nizami Gəncəvinin həyat və yaradıcılığına, “Xəmsə”sinə, qəzəllərinə, ibrətamiz kəlamlarına aid olan sualları cavablandırdılar.
