Atletika üzrə məktəbimiz III yerə layiq görüldü
Bakıda keçiriləcək "Formula 1" üzrə Avropa Qran-Prisinin təbliği məqsədilə Gənclər və İdman Nazirliyi, Təhsil Nazirliyi, Atletika federasiyasının birgə təşkilatçılığı ilə Pirallahı İdman Stadionunda rayon ümumtəhsil müəssisələrin 7-8-ci sinif şagirdləri arasında 1000 və 500 metr məsafəyə yüngül atletika yarışı keçirilmişdir. Gərgin mübarizə şəraitində keçən yarışda 5 rayon məktəbindən 25 nəfər (15 oğlan, 10 qız) iştirak etdi. Məktəbimiz bu yarışda III yerin sahibi oldu və Təhsil Nazirliyi tərəfindən sertifikatlarla təltif olundular.