« Qızıl payız » adlı tədbir keçirildi
Məktəbin 1-ci sinif şagirdləri "Qızıl payız" adlı bayram tədbiri keçirdi. Payız fəslinə həsr edilmiş bu bayramda sinif rəhbəri Jasmina Mirzəyevanın əməyini xüsusi qeyd etmək lazımdır. Tədbiri giriş sözü ilə açan məktəbin direktor müavini İsmixan Həsənov qonaqları salamlayaraq uşaqları və valideynləri bayram münasibətilə təbrik etdi. Bildirildi ki, belə tədbirlərin keçirilməsi fidan balaları sevindirməklə bərabər, həm də onlarda bir çox müsbət keyfiyyətlərin yaranmasını və inkişafını sürətləndirir. O, məktəbdə belə tədbirlərin mütəmadi olaraq keçirildiyini və bunun üçün hər bir şəraitin olduğunu qeyd etdi. Sonra şagirdlərin ifasında payıza aid şeirlər, mahnılar, rəqslər və səhnəciklər təqdim edildi.
