Şagirdlərimizin VI Bakı Beynəlxalq Kitab Sərgi-Yarmarkasında iştirakı
Azərbaycan Respublikasının Mədəniyyət Nazirliyinin təşkilatçılığı ilə 2019-cu il, 27-29 sentyabr tarixində Bakı İdman Sarayında VI Bakı Beynəlxalq Kitab Sərgi-Yarmarkası keçirildi.
VI Bakı Beynəlxalq Kitab Sərgi-Yarmarkası böyük Azərbaycan şairi İmadəddin Nəsiminin 650 illiyinə həsr olunmuşdu. Sərgi-yarmarka zamanı 3 gün boyunca 81 yerli və 22 ölkədən 40 xarici nəşriyyat, poliqrafiya müəssisəsi, kitab evləri və s. qurumlar öz nəşrlərini sərgiləyərək kitablarının satışını həyata keçirdilər. Eyni zamanda sərgi çərçivəsində tanınmış şair-yazıçıların, elm adamlarının iştirakı ilə çoxsaylı kitab təqdimatları, imza günləri və s. tədbirlər də keçirildi. Sərgidə məktəbimizin 7 B sinif şagirdləri də sinif rəhbərləri Xəyalə Qələndərovanın təşkilatçılığı iştirak etdilər. Onlar yeni nəşrlərlə tanış oldular.
