Şagirdlərin tərbiyəolunma sisteminin təkmilləşdirilməsi məqsədilə nümunəvi dərs keçirildi
“ Müasir dövrdə ümumtəhsil məktəb şagirdlərinin tərbiyəolunma sisteminin daha da təkmilləşdirilməsi ilə bağlı tədbirlər haqqında “ Təhsil Nazirliyinin 2019-cu il üçün Fəaliyyət Planına əsasən ideoloji maarifləndimə sahəsində islami dəyərlərin formalaşdırılması məqsədilə 8 B sinfində nümunəvi dərs keçirildi. Tarix müəllimi Rəhman Məmmədovun iştirakı ilə keçirilən nümunəvi dərsdə şagirdlərə islam dininin humanist mahiyyətli, sülh, əmin-amanlıq, gözəl və saf əxlaqa, mərhəmətə və şəfqətə çağırış dini olmasından danışıldı. O, şagirdləri dini xurafatçılıqdan uzaq olmağa, cəhalətə uymamağa çağırdı. Müəllim Rəhman Məmmədov həmçinin ölkəmizdə dinin dövlətdən ayrı olması, insanlar arasında tolerantlığın hökm sürməsi demokratiyanın göstəricisi olduğunu qeyd etdi. Nümunəvi dərs uğurla yekunlaşdı.
