"Mənə bir nağıl oxu" adlı tədbir
23 aprel - "Ümumdünya Kitab və Müəlliflik Hüququ Günü" münasibəti ilə məktəbimizin ibtidai sinif müəllimi İsmayılova Samirənin təşkilatçılığı altında "Mənə bir nağıl oxu" adlı tədbir keçirilmişdir. Akt zalında keçirilən tədbirdə direktor, direktor müavinləri, kitabxanaçı və fənn müəllimləri iştirak edirdilər. Tədbirin təşkilində eyni zamanda müəllim Rəxşəndə Kərimova başda olmaqla 1 A sinif şagirdləri və müəllim Səidə Məmmədovanın rəhbərliyi ilə rus bölməsinin 3 cü sinif şagirdləri də yaxından köməklik göstərdilər. Şagirdlər kiçik zaman çərçivəsində nağıllar oxuyaraq, zalda əyləşənlərə həmin nağılların mövzuları haqqında məlumat verdilər. Daha sonra şagirdlər əyləncəli nağıl qəhrəmanlarının çıxışı ilə hamını sevindirdilər. Müəllimlərimizin hazırladıqları “Kukla teatrı” da böyük marağa səbəb oldu. Tədbir təşkilatçılarının təklifi ilə direktor Şəhanə Əhmədova məktəbdəki fəaliyyəti dövründə təşkil olunan tədbirlərin əks olunduğu şəkillərdən ibarət bir kitabça düzəltdi. Sonda o, tədbir barədə öz fikirlərini paylaşdı və əməyi keçən hər bir kəsə təşəkkürünü bildirdi.
