“Əvəzolunmaz səs” adlı “Açıq dərs”
11 mart 2018-ci il tarixində məktəbimizdə musiqi müəllimi İradə Nuriyevanın təşkilatçılığı ilə Rəşid Behbudovun həyat və yaradıcılığına həsr olunmuş “Əvəzolunmaz səs” adlı “Açıq dərs ” keçirildi. Dərsdə Azərbaycan musiqisinin banilərindən olan Üzeyir Hacıbəylinin və Bülbülün misilsiz əsərləri dinlənildi. Eyni zamanda Rəşid Behbudovun “Lalələr” , “ Gözəlim sənsən “ , “ Balaşın ariyası “ əsərlərindən parçalar səsləndirildi. “ Açıq dərs “də iştirak edən şagirdlər üç qrupa ayrılmışdılar. “ Muğam “ , “ Ariya “ və “ Mahnı “ adlı qruplara ayrılan şagirdlər fəal iştirak edərək sualları cavablandırdılar. “ Azərbaycan “ mahnısı ilə bitən dərsə direktor Şəhanə Əhmədova öz münasibətini bildirdi və əməyi keçən hər kəsə təşəkkür etdi.
