Şagirdlər Üzeyir Hacıbəylinin ev müzeyində oldular
Məktəbimizin 3 B sinif şagirdləri müəllim Günay Dadaşovanın rəhbərliyi ilə dahi bəstəkar Üzeyir Hacıbəylinin ev muzeyinə ekskursiya etdilər. Müəllim G.Dadaşova Azərbaycan dili dərsində keçirilən “Ü.Hacıbəyli” və “Müəllimdən hədiyyə” mövzularının əyani şəkildə şagirdlərə təsvir etmək üçün bu ekskursiyanı təşkil etmişdir. Şagirdlər əvvəlcə Ü. Hacıbəylinin müəllifi olduğu Azərbaycan Respublikasının dövlət himnini oxudular. Onlar bəstəkarın evi, əşyaları, yaradıcılığı ilə yaxından tanış oldular. Bu ekskursiya şagirdlərdə bəstəkarın həyat və yaradıcılığı haqqında böyük təəssüratlar oyatdı.
