“Pilot layihə” marağa səbəb oldu
Bildiyimiz kimi valideynlərin övladlarının təhsil aldıqları müəssisə ilə yaxından tanışlığın təmin olunması,istər infrastruktur,istərsə də tədris prosesinin təşkilinin təkmilləşdirilməsi istiqaməti üzrə rəy və təkliflərin əldə edilməsi məqsədilə 19.02.2019-cu il tarixində 24 №-li tam orta məktəbdə “Valideynin Məktəbdə Bir Günü “ layihəsi həyata keçirildi. Bu layihə çərçivəsində fizika müəllimi Aynurə Bağırovanın “Alqoritmika” proqramı üzrə keçirilən dərsi valideynlərin marağına səbəb oldu. O, bu pilot layihənin şagirdlərə alqoritmik düşüncə və məntiqin, layihə işləmə bacarıqlarının inkişafı və proqramlaşdırmanın əsaslarının öyrədilməsi məqsədini daşıdığını xüsusilə vurğuladı. 5 B sinif şagirdlər valideynlərinin onların bilik və bacarıqlarını izləməsindən şad oldular.
