“Azərbaycan Xalq Cümhuriyyətinin 100 illik yubileyi”nə həsr olunmuş breyn rinq
Azərbaycan Xalq Cümhuriyyətinin 100 illik yubileyi haqqında Azərbaycan Respublikasının Prezidenti İlham Əliyev cənablarının 16 may 2017-ci ildə imzaladığı sərəncama əsasən məktəbimizdə də müəyyən tədbirlər təşkil olunmuşdur.
1 may 2018-ci ildə məktəbimizin akt zalında “Breyn rinq” təşkil olundu. Tarix müəllimlərimiz olan Məmmədov Rəhman və Babayeva Aygünün təşkilatçılığı ilə hazırlanan tədbir Azərbaycanın Dövlət Himninin oxunması ilə başladı. “İstiqlal” və “Müsavat” komandaları arasında aparılan sual-cavab nəticəsində “İstiqlal” komandası qalib gəldi. Qeyd edək ki, breyn-rinq 9-cu sinif şagirdləri arasında aparılırdı. Tədbir “Ə.Topçubaşov və Vudro Vilsonun arasında baş vermiş görüşün” səhnələşdirilməsi ilə başa çatdı. Tədbirin sonunda məktəbimizin direktoru Şəhanə xanım şagirdləri təbrik etdi və tədbir haqqında xoş sözlər söylədi.
