20 Yanvar - Qan yaddaşımız
Tariximizin şərəf və faciə səhifəsi olan 20 Yanvardan artıq 28 il ötür. Hər bir xalqın tarixində həm faciəli məqamlar, həm də qəhrəmanlıq səhifələri olur. Çox nadir hallarda bu iki məqam üst- üstə düşür.
Azərbaycan xalqı 1990-cı ilin qanlı yanvarı həm faciə, həm də qəhrəmanlıq səhifəsi kimi yaşadı. o müdhiş gecə Azərbaycan xalqı çox şəhid verdi. Tariximizin bu səhifəsi imperiya güllələrinin səsindən açılsa da şəhidlərimizin qanı ilə yazıldı. Həm də əbədi olaraq!
20 Yanvar faciəsi məktəbimizdə də silsilə tədbirlərlə anıldı. 18.01.2018-ci ildə məktəbin 7a sinif şagirdləri 20 Yanvara həsr olunmuş əbədi-bədii kompozisiya ilə çıxış etdilər. Tədbirdə şəhidlərin əziz xatirəsi bir dəqiqəlik sükutla yad edildi. Onların şərəfinə şeirlər, səhnələr, qəhrəmanlıq mahnıları səsləndirildi.
