Məktəbimizdə Azərbaycanın qüdrətli söz yazarı və dramaturqu Hüseyn Cavidin 135 iliik yubileyinə həsr olunmuş tədbir keçirildi
Prezident İlham Əliyev Azərbaycanın qüdrətli söz yazarı və dramaturqu Hüseyn Cavidin 135 illik yubileyinin keçirilməsi haqqında sərəncam imzalamışdır. Bu sərəncama əsasən məktəbimizdə kitabxanaçılarımızın təşəbbüsü ilə Hüseyn Cavidin son dərəcə dərin məzmunlu yaradıcılığı haqqında şagirdlərimizə məlumat verildi. Onun totalitarizmin qurbanı olması, keçdiyi ağır həyat yolu, yaddaşlarda qalan sənətkar şəxsiyyəti müzakirə edildi. Azərbaycan xalqının dahi oğlu Heydər Əliyevin şəxsi təşəbbüsü ilə Hüseyn Cavidin nəşinin hələ 1982 - ci ildə uzaq Sibirdən Vətəninə gətirilməsi və Naxçıvanda məzarı üzərində möhtəşəm məqbərənin ucaldılmasının müstəsna əhəmiyyətə malik bir hadisə olması şagirdlərə söylənildi. Bu tədbirdə böyük şairin Azərbaycan ədəbiyyatının inkişafındakı əvəzsiz xidmətləridən, yaratdığı ölməz əsərlərin oxucuların maarifləndirilməsi istiqamətindəki əhəmiyyətindən söhbət açıldı. Tədbirimizdə "Ana" tamaşası şagirdlər tərəfindən böyük maraqla izlənildi. Bu pyesi kitablardan oxumuş şagirdlər onu videoformatda izləməkdən məmnun qaldılar.
