Xətai rayonu 24 №tam orta məktəbdə 9 noyabr"Bayraq Günü"nə həsr olunmuş tədbir keçirilmişdir.
6 noyabr 2015 - ci il tarixdə Xətai rayonu 24№-li tam orta məktəbdə “9 noyabr Bayraq Günü” münasibətilə məktəbin foyesində və bəzi sinif otaqlarında tədbir keçirilmişdir.Foyedə təşkil olunmuş tədbirdə müasir avadanlıqlardan istifadə etməklə şagirdlərə bayraq haqqında ətraflı videoməlumatlar təqdim olunmuşdur.Tədbirdə çıxış edən məktəbin tarix müəllimi R.Məmmədov mühazirəsində 9 – noyabr “Bayraq günü”nun vacibliyini qeyd etdi və ətraflı məlumatlar verdi.Şagirdlər isə öz növbəsində şeirlər və mahnılar ifa etdilər.Bayraq günü münasibətilə məktəbin II A sinif şagirdləri də öz sinif otağında kiçik bir tədbir keçirdilər.Sinif rəhbəri R.Kərimova tədbirin açılışını etdikdən sonra şagirdlərə slaydlar, musiqilər,videolardan ibarət qısa filmlər, nümayiş olundu.Sonra isə şagirdlər bayraq haqqında şeirlər və mahnılar səsləndirdilər.Tədbirdə iştirak edən məktəb rəhbərliyi şagirdlərə və sinif rəhbəri R.Kərimovaya “Bayraq günü”nə verdiyi dəyərə görə öz minnətdarlığını bildirdi.Tədbirin davamı olaraq sinif kollektivi ilə birlikdə Bayraq Meydanında yaradılan muzeyə isə 17.11.2015- ci il tarixində ekskursiya təşkil olunacağını elan etdi.
