Əsrin faciəsi Xocalı Soyqırımı
Xocalı faciəsi bizim millətin tarixinin qara səhifəsi olaraq millətin özünü dərk etməsində xüsusi rol oynayır. Qəlbləri damğalanmış bu ağrının intiqamı Ali Baş komandanımız İlham Əliyevin siyasəti və Müzəffər Ordumuzun sayəsində alındı. Artıq torpaqlarımız işğaldan azad olunub. Xalqımız hər il Xocalı faciəsini dərin kədər hissi ilə yad edir. Bu münasibətlə məktəbimizin Azərbaycan dili və ədəbiyyat müəllimi Günel Mirmehdizadə və musiqi müəllimi Aysel Şirinovanın təşkilatçılığı altında 8c və 8ç sinif şagirdlərinin iştirakı ilə ədəbi-bədii kompozisiya təşkil olundu.
