Pedaqoji şura
13.02.2023-cü il tarixində məktəbdə I yarımilin yekunlarına dair Pedaqoji Şuranın növbəti iclası keçirildi. İlk olaraq məktəbin ibtidai sinif müəllimi Səadət Məmmədovanı 60 illik yubileyi münasibətilə kollektiv və məktəb rəhbərliyi təbrik etdi. Sonra iclasda bir sıra məsələlər ön plana çəkildi. Məktəb rəhbərliyinə təqdim olunmuş hesabatlar müzakirə olundu. İclasda Dövlət ümumi təhsil müəssisəsi təhsilalanlarının geyim formalarının təsvirlərinin təsdiq edilməsi haqqında Azərbaycan Respublikası Nazirlər Kabinetinin 17 mart 2022-ci il tarixli 96 nömrəli qərarına əsasən şagirdlərin məktəbli forması müzakirə edildi. Məktəbin İllik Fəaliyyət Planında müəyyən olunmuş hədəflərin II yarımil ərzində səmərəli şəkildə yerinə yetirilməsi, tədrisin təşkilində müasir metodların istifadə edilməsi üçün təşkilati işlərin aparılması və daim diqqətdə saxlanılmasının vacibliyi vurğulandı.
