Yeni məktəbli formaları müzakirə olundu.
Xəbər verdiyimiz kimi yeni məktəbli formalarının nümunələri Nazirlər Kabineti tərəfindən təsdiq olunub. 2022/2023-cü tədris ilindən tətbiq ediləcək geyim formalarının 4 rəngdə nümunəsi təklif olunur.
Bakı şəhəri 24 nömrəli tam orta məktəbdə rəhbərlik tərəfindən müəllimlərlə və "Yay məktəbi"ndə iştirak edən yuxarı sinif şagirdləri ilə yeni məktəbli formalarının müzakirəsi aparıldı, vahid məktəbli geyiminin forması, rəngi haqqında müəllim və şagirdlərin fikirləri dinlənildi. Məktəbli geyim nümunələrinin şəkilləri nümayiş olundu.
