Valideynlərlə görüş keçirildi.
16 iyun 2022-ci il tarixində Bakı şəhəri 24 nömrəli tam orta məktəbdə "Yay məktəbi"nə hazırlıq çərçivəsində məktəb rəhbərliyinin iştirakı ilə valideynlərlə izahedici və maarifləndirici görüş təşkil olundu.
Görüşdə məktəbin direktoru Şəhanə Əhmədova “Yay məktəbi”nin şagirdlərin zəruri bilik və bacarıqlarının möhkəmləndirilməsi, öyrənilənlərin ümumiləşdirilməsi məqsədilə təşkil edildiyini vurğuladı.
"Yay məktəbi”ndə məktəbin I-X sinif şagirdləri ödənişsiz və könüllü əsaslarla iştirak edə bilərlər. I-IV siniflərdə tədris həftədə 5 dəfə gündəlik 4 saat olmaqla, V-X siniflərdə isə həftədə 5 dəfə gündəlik 3-4 saat olmaqla təşkil olunacaq. I-IV siniflərdə məşğələlər tədris dili, riyaziyyat, xarici dil fənləri üzrə keçiriləcək. V-X siniflərdə məşğələlər tədris dili, riyaziyyat, xarici dil fənləri və ümumi təhsil müəssisəsinin rəhbərliyinin qərarı ilə digər 3 fənnə veriləcək.
“Yay məktəbi” iyunun 16-dan 30-dək davam edəcək.
