Qəhrəmanlar unudulmur.
Bu gün öz canını Vətənə qurban verərək şəhidlik zirvəsinə ucalmış Azərbaycanın Milli Qəhrəmanı, Mübariz İbrahimovun doğum günüdür.
Bakı şəhəri 24 nömrəli tam orta məktəbin ingilis dili müəllimi İsayeva Ədalətin təşkilatçılığı ilə rəhbərlik etdiyi 5"C" sinfində "Qəhrəmanlar unudulmur" adlı dəyirmi masa təşkil olundu.
Tədbirin məqsədi şagirdlərdə vətənpərvərlik, Vətənə, torpaq uğrunda öz canlarından keçmiş igid oğulların əziz xatirəsinə hörmət hissini aşılamaqdır.
Məktəbin Tİ üzrə direktor müavini Sevinc Nəsibova şagirdlərə Mübariz İbrahimovun şərəfli ömür yolu haqda məlumat verdi.
Şagirdlərin hazırladıqları video təqdimatlar izləndi, çəkdikləri rəsmlər nümayiş olundu.
