Ədəbi-bədii kompozisiya keçirildi.
5 noyabr 2021-ci il tarixində Bakı şəhəri 24 nömrəli tam orta məktəbdə Azərbaycan dili və ədəbiyyat fənnini tədris edən Cabbarova Elmiranın təşkilatçılığı "8 Noyabr-Zəfər Günü" ilə bağlı ədəbi-bədii kompozisiya keçirildi.
Tədbir Azərbaycan Respublikası Dövlət Himninin səsləndirilməsi ilə başladı, daha sonra məktəbin direktoru Şəhanə Əhmədova çıxış edərək xalqımızın düşmən üzərində çaldığı tarixi zəfər haqqında tədbir iştirakçılarını məlumatlandırdı və onları təbrik etdi.
Ədəbi-bədii kompozisiyada qonaq qismində məktəbin valideyni, eyni zamanda Azərbaycan Respublikası Silahlı Qüvvələrinin Hərbi Akademiyasının dossenti Polkovnik Nəbi Hacıyev iştirak etdi, öz təəssüratlarını tədbir iştirakçıları ilə bölüşdü və bu böyük gün münasibətilə onları ürəkdən təbrik etdi.
Tədbirdə şagirdlər tərəfindən aidiyyəti şeirlər səsləndirildi, kompizisiyalar göstərildi. Məktəbdə musiqi fənnini tədris edən əməkdar müəllim İradə Nuriyeva tədbir iştirakçılarını təbrik etdi, bu önəmli günün təəssüratlarını iştirakçılarla bölüşdü.
Tədbir məktəbin Tİİ üzrə direktor müavini Sevinc Orucova və Tİ üzrə direktor müavini Sevinc Nəsibovanın çıxışları ilə sona çatdı.
