Sən elə bir zirvəsən!
Azərbaycan xalqının təqvimində bayramlar az deyil. Amma onların arasında mayın 10-u xüsusi anlam daşıyır. Əlbəttə ki, hər bir bayramın böyüklüyü ilk növbədə həmin bayramla bağlı olan hadisənin xalqın tarixində tutduğu yer və dövlətin taleyində oynadığı rol ilə ölçülməlidir. Bu baxımdan yanaşsaq, milli lider Heydər Əliyevin Azərbaycan tarixindəki yeri nə qədər önəmlidirsə, onun doğum günü də Azərbaycan xalqı üçün bir o qədər böyük bayram sayılmalıdır. Ulu Öndərin Azərbaycan tarixindəki yeri isə misilsizdir. Çünki o, Azərbaycanın tarixində dönüş yaradaraq, ölkənin istiqamətini tənəzzüldən tərəqqiyə doğru çevirən şəxsiyyətdir.
Ulu öndərimizin anadan olmasının 98-ci ildönümü ilə əlaqədar 24 nömrəli tam orta məktəbin Azərbaycan dili və ədəbiyyat müəllimi Cabbarova Elmira rəhbərlik etdiyi 5"B" sinfində "Sən elə bir zirvəsən" adlı tədbir təşkil etdi. Tədbirdə Heydər Əliyevin keçdiyi şərəfli ömür yolundan, onun Azərbaycan dövləti və xalqı üçün göstərdiyi misilsiz xidmətlərdən bəhs olundu. Şagirdlər şeirlər səsləndirdilər, video təqdimatlar nümayiş olundu.
Tədbir mövcud pandemiya qaydalarına uyğun olaraq onlayn şəkildə təşkil olundu.
