"eTwinning Məktəbi" müsabiqəsinin qalibləri mükafatlandırıldı.
Hər tədris ili “eTwinning Plus” layihəsinin Avropa mərkəzi tərəfindən layihəyə qoşulmuş bütün ölkələrin məktəbləri arasında “eTwinning Məktəbi” müsabiqəsi keçirilir.
2018-2019-2020 –ci illər üzrə qalib olmuş məktəblərin 30 Aprel 2021 – ci il saat 15.00 – da onlayn təltif etmə mərasimi keçirildi. Görüşdə nazir müavini Firudin Qurbanov və Bakı şəhəri üzrə Təhsil idarəsinin müdiri Mehriban Vəliyeva çıxış edərək layihənin ərsəyə gəlməsinə köməklik göstərən şəxslərə minnətdarlıq bildirib müsabiqə qaliblərini təbrik etdilər.
Sözü gedən tədbirdə 24 nömrəli tam orta məktəbin direktoru Şəhanə Əhmədova və məktəbdə ingilis dili fənnini tədris edən və müsabiqədə iştiraka məsul olan eTwinning müəllimi Almuradova Ramilə iştirak etdilər.
Mükafatlandırma mərasimi mövcud pandemiya qaydalarına uyğun olaraq onlayn şəkildə həyata keçirildi.
