Azərbaycan ədəbiyyatında əlçatmaz zirvə-Əbdürrəhim bəy Haqverdiyev.
2020-ci ilin may ayında Azərbaycan ədəbiyyatının görkəmli nümayəndəsi, böyük dramaturq, nasir, publisist və teatr təşkilatçısı, tanınmış ictimai xadim Əbdürrəhim bəy Haqverdiyevin anadan olmasının 150 illik yubileyi tamam oldu. Ə.Haqverdiyevin adı UNESKO-nun 2020-2021-ci illər üçün görkəmli şəxslərin siyahısına daxil edilmişdir. Azərbaycan Respublikasının Prezidenti İlham Əliyev 31 yanvar 2020-ci il tarixində Əbdürrəhim bəy Haqverdiyevin anadan olmasının 150 illik yubileyinin keçirilməsi ilə bağlı sərəncam imzalamışdır. Sərəncamın həyata keçirilməsi və Azərbaycan xalqının ədəbi-bədii və mədəni-ictimai fikir xəzinəsinə töhfələr bəxş etmiş qüdrətli söz ustasının xatirəsini əbədiləşdirmək məqsədilə 24 nömrəli tam orta məktəbin Azərbaycan dili və ədəbiyyat müəllimi Cabbarova Elmira 9"A" sinif şagirdləri ilə birlikdə mövcud pandemiya qaydalarına uyğun olaraq virtual şəkildə Əbdürrəhim bəy Haqverdiyevin həyat və yaradıcılığını geniş müzakirə etdilər. C.Elmira Ə.Haqverdiyevin 150 illik yubileyi münasibətilə yaradılmış "Əbdürrəhim bəy Haqverdiyev 150" adlı elektron baza haqqında şagirdləri məlumatlandırdı. Sözü gedən bazaya hansı link vasitəsilə daxil olmağı şagirdlərin nəzərinə çatdırdı(http://ryl.az/haqverdiyev_el_melumat_bazasi/index.html), eyni zamanda həmin elektron bazaya virtual şəkildə səyahət edildi.
Şagirdlər bütün məlumatları böyük həvəs və maraqla dinlədilər.
