20 Yanvar faciəsindən 30 il ötür
Azərbaycan Respublikası Təhsil nazirinin "20 Yanvar faciəsinin otuzuncu ildönümü ilə bağlı Təhsil Nazirliyinin Tədbirlər Planı"nın təsdiq edilməsi haqqında 29 dekabr 2019-cu il tarixli, F-771 nömrəli əmrinin icrasını təmin etmək məqsədilə məktəbdə seminar keçirildi. Tarix müəllimi Xurşud Vəliyevanın 7 C sinif şagirdləri ilə birlikdə keçirdiyi seminar faciə qurbanlarının xatirəsinin bir dəqiqəlik sükutla anılması ilə başladı. Daha sonra o, 30 il əvvəl Bakıda baş verən hadisələr haqqında şagirdlərə geniş məlumat verdi. Müəllimin seminarın gedişində qoyduğu sualları şagirdlər cavablandırdılar. Məktəbin direktoru Şəhanə Əhmədova və direktor müavini İsmixan Həsənov dərsi izlədilər.
