12 Aprel Kosmonavtika Günü qeyd edildi
Bu gün məktəbimizdə "12 Aprel Kosmonavtika Günü"nə həsr olunmuş dərs-viktorina keçirildi. Dərsdə məktəb rəhbərliyi ilə bərabər Rusiya İnformasiya və Mədəniyyət Mərkəzinin əməkdaşı Yakunina Lyubov Timofeyevna iştirak edirdi. Bu dərs hər zaman keçirilən dərslərdən fərqli idi. Çünki bu dərsi 9b sinif şagirdi Nigar Xəlilova idarə edirdi. Motivasiya mərhələsi şagirdlərin planetlər haqqında söylədikləri şeirlərlə başladı. Planetlər, kosmonavtlar, xüsusən həmyerlilərimiz Kərim Kərimov, Musa Manarov haqqında təqdimatlar diqqətəlayiq idi. Şagirdlər suallara dəqiq və əhatəli cavablar verdilər.
Dərsdən sonra şagirdlərin "Kosmonavtika günü"nə həsr olunmuş rəsmlərindən ibarət sərgisinə baxış keçirildi. Dərs-viktorinada və sərgidə fəallıq göstərən şagirdlərə təşəkkürnamələr teqdim edildi.