Şəhidin anım tədbiri keçirildi
Dekabrın 28-də məktəbdə həyata keçirilən “Unutmarıq, unutdurmarıq” layihəsi çərçivəsində şəhid Əhmədzadə Rüfət adına 9“B” sinfinin açılışı oldu. Tədbirdə şəhidin anası və yaxınları iştirak etdi.
Tədbir Dövlət himninin səsləndirilməsi ilə başladı. Sonra Azərbaycanın ərazi bütövlüyünün qorunması, bərpası, tarixi torpaqlarımızın işğaldan azad edilməsi uğrunda döyüşlərdə şəhidlik zirvəsinə ucalanların xatirəsini yad etmək üçün bir dəqiqəlik sükut elan edildi.
Məktəblilər şəhid Əhmədzadə Rüfətin həyatı və qəhrəmanlığı haqqında danışdılar.