Məktəbəqədər hazırlıq qruplarında asudə vaxtın səmərəli təşkili
Məktəbəqədər hazırlıq qruplarında şagirdlərin asudə vaxtının əyləncəli və maraqlı keçməsi məqsədilə ibtidai sinif müəllimləri: Əsgərova Sahibə, Kərimova Aynur, Əzizova Xəyalə, Hüseynova Suğra şagirdlər üçün tədbir təşkil etmişdilər. Tədbir cizgi filmlərindən müəyyən səhnəciklərin nümayişi ilə bağlı idi. Şagirdlərin ifasında “Tıq-tıq xanım”, “Qırmızı papaq”, “Meşə kralı” və digər bu kimi maraqlı cizgi filmlərinin qəhrəmanları canlandırıldı. Şagirdlər canlandırdıqları obrazları xüsusi geyimlərdə nümayiş etdirdilər. Tədbir olduqca maraqlı və əyləncəli keçdi. Tədbirdə valideynlər dəxüsusi həvəslə iştirak edərək, övladlarının çıxışını izlədilər və alqışladılar.
