Muzeylərə ekskursiya təşkil edildi
Şagirdlərin asudə vaxtını səmərəli təşkil etmək məqsədilə 4 dekabrda məktəbin dil-ədəbiyyat müəllimi Rəqsanə Abdullayeva 7”A” sinif şagirdləri üçün " Nizami Gəncəvi adına Milli Azərbaycan Ədəbiyyatı Muzeyi” və “ Milli Azərbaycan Tarixi Muzeyi” nə ekskursiya təşkil etdi.
Şagirdlər Milli Azərbaycan Ədəbiyyatı Muzeyində toplanmış Azərbaycan ədəbiyyatına və mədəniyyətinə aid materiallarla tanış oldular.
Muzeydə Azərbaycan ədəbiyyatının ən qədim dövrlərdən müasir dövrə qədər keçmiş olduğu yol işıqlandırıldı. Muzeydə müxtəlif sənədlər, əlyazmalar, kitablar və.s ilə yanaşı qədim və orta əsrlər dövrünə aid maddi mədəniyyət nümunələri , rəsm və heykəltəraşlıq əsərləri nümayiş etdirildi.
Milli Azərbaycan Tarix muzeyi Azərbaycan tarixinə və mədəniyyətinə aid materialların toplanması , tədqiqi, elmi fondlarda qorunması, ekspozisiyada və sərgilərdə nümayiş etdirilməsi ilə məşğul olur.
Şagirdlər Azərbaycan tarixinə və mədəniyyətinə aid materiallar və ekspozisiyalarla tanış oldular.