Beynəlxalq Uşaq Kitabı Günü
1967- ci ildə Beynəlxalq Uşaq Kitabları Şurası tərəfindən 2 aprel Beynəlxalq Uşaq Kitabı Günü kimi təsis edilib. Bu tarix məşhur danimarkalı yazıçı Hans Kristian Andersenin dünyaya göz açdığı günün şərəfinə Beynəlxalq Uşaq Kitab Günü kimi qeyd edilib.
Uşaqların tərbiyəsində kitablar xüsusi yer tutur. Kitablar onların insan kimi formalaşmasında, öz xalqının zəngin tarixi keçmişinə dərindən bələd olmasına imkan yaradır.
2 aprel Beynəlxalq Uşaq Kitabı Günü ilə bağlı kitabxana müdiri Könül Cəfərova və ibtidai sinif müəllimi Vüsalə Gözəlovanın təşkilatçılığı ilə 4c sinfində oxu saatı keçirildi. Kitabxana müdiri Könül Cəfərova bu günün tarixi haqqında məlumat verdi. Sonra şagirdlər kitabın insan həyatındakı rolundan danışdılar.
Oxu saatının təşkil edilməsində əsas məqsəd uşaqların dünyagörüşünün, söz ehtiyatının artmasında kitabın rolunu onlara çatdırmaq idi.