Şəhidlər ölməz, vətən bölünməz
20 yanvar faciəsinin 29-cu ildönümünə həsr edilmiş silsilə tədbirlər müstəvisində bu 16 yanvar məktəbin kitabxanasında 7r1 sinif şagirdlərinin hazırladığı “Şəhidlər ölməz vətən bölünməz” adlı tədbir keçirildi. Şagirdlər bu faciə ilə əlaqədar böyüklərdən və tarix kitablarından öyrəndiklərini birgə müzakirə etdilər. Hadisənin baş vermə səbəbləri və tarixdə qoyduğu iz, xalqımıza qazandırdıqları və itgiləri barədə fikir bölüşdülər. Müxtəlif fotoşəkillər və o günü əks etdirən qəzet materialları gözdən keçirildi. Tədbir məktəbin direktor müavini Mehriban Məmmədovanın çıxışı ilə başa çatdı.
