HAQQIMIZDA

    220 nömrəli məktəb – lisey 1967-cı ildə inşa edilmişdir. Məktəbdə şagird sıxlığını nəzərə alaraq 2012-ci ildə 840 şagird yerlik əlavə korpus tikilmişdir. Həmin şagirdlərin təhsili ilə 181 nəfər müəllim məşğul olur. Məktəbdə 1998-ci ildə riyaziyyat-informatika və humanitar fənlər üzrə lisey sinifləri yaradılmışdır. Məktəb 2009-cu ildən “Elektron məktəb” layihəsinə qoşulmuşdur. Məktəb 2014-cü ildə “Fərdiləşdirilmiş sinif” layihəsinə daxil edilərək, 30 nəfər 3-cü sinif şagirdinin planşetlərlə təmin olunmasına və dərslərin şəbəkə daxilində onlayn tədrisinə başlanılmışdır. 2008, 2013-cü illərdə Azərbaycan Respublikası Prezidentinin fərmanı ilə “ Ən yaxşı ümumtəhsil məktəbi ” adına layiq görülmüşdür. 2012-2013-cü illərdə məktəbin “Şahin” komandası həmin ad altında keçirilən hərbi-idman oyunlarının Respublika turunda I yerə, 2014-cü ildə isə II yerə layiq görülmüşdür. Təhsil Nazirliyinin təşkilatçılığı ilə keçirilən “Məktəblilərarası I fənn müsabiqəsi”ndə məktəbin şagirdləri Bakı və Sumqayıt şəhərlərindən seçilmiş 30 məktəb içərisində riyaziyyat fənni üzrə komanda hesabında II yerə, Bakı şəhəri üzrə isə I yerə layiq görülmüşdür. 2000-ci ildən başlayaraq məktəb UNESCO-nun Assosiativ məktəblər şəbəkəsinə daxil olmuşdur. Bu istiqamətdə şagird və müəllimlərimiz beynəlxalq layihə və yarışlarda bir çox uğurlar əldə etmişlər. 2004-cü ildə UNESCO-nun Mondioloqo layihəsində iştirak edən məktəb-lisey Nigeriyadan olan tərəfdaşları ilə birlikdə Barselonada keçirilən beynəlxalq simpoziumda 125 ölkənin 1466 komandası (24 min şagird) içərisində I yerə layiq görülmüşdür. 2004-cü ildə məktəb-lisey Mondioloqo layihəsi üzrə Azərbaycanda səfir olmuşdur. Məktəb 2004, 2009-cu illərdə şagird mübadilə proqramında iştirak edərək ABŞ məktəbləri ilə təcrübə mübadiləsində olmuşdur. 2009/2010-cu tədris ilində məktəbin şagirdləri DOTKOM (ABŞ) layihəsi çərçivəsində şagird jurnalistikası haqqında amerikalı professordan distant təhsilə aid biliklər almışlar.

  • h.a
  • i.a
  • fond
  • bakuedu
  • virtual_qarabaq
  • virtual_qarabaq
  • kurrikulum
  • MƏNİM MƏKTƏBİM